وزیر خزانہ اور نائب وزیراعظم اسحاق ڈار نے پاکستان تحریک انصاف (پی ٹی آئی) سے سوال کیا ہے کہ وہ ہر بار ایسے وقت پر احتجاج کا اعلان کیوں کرتی ہے جب اہم بین الاقوامی مہمانوں نے پاکستان آنا ہوتا ہے؟
انہوں نے پی ٹی آئی کی قیادت کو مخاطب کرتے ہوئے کہا کہ یہ سیاسی احتجاج نہیں بلکہ ملک کی عزت و وقار کیخلاف سوچی سمجھی سازش ہے۔ اللہ کے واسطے پاکستان کو اپنی گھٹیا سیاست پر فوقیت دیں۔
دوسری جانب، وزیر خزانہ محمد اورنگزیب نے اپوزیشن کے مظاہروں سے ہونے والے اہم معاشی نقصانات کا انکشاف کر دیا۔ کہا، احتجاج کے نتیجے میں یومیہ جی ڈی پی کو 144 ارب روپے کا نقصان ہوتا ہے۔ برآمدات میں کمی سے یومیہ 26 ارب روپے کا نقصان ہوتا ہے جبکہ براہ راست غیر ملکی سرمایہ کاری میں کمی سے 3 ارب روپے کا اضافی نقصان ہوتا ہے۔
اورنگزیب نے مزید کہا کہ صوبوں کو اضافی نقصانات کا سامنا ہے، جس میں زرعی شعبے میں روزانہ 26 ارب روپے اور صنعتی شعبے میں 20 ارب روپے سے زائد کا نقصان شامل ہے۔