دبئی (اسلم مراد ) دبئی حکام نے پاکستانیوں کے ویزے مسترد کرنے کی بڑی وجہ بتادی ہے اور یہ بھی بتادیا ہے کہ ویزے حاصل کرنے کے لیے کون سے ضروری اقدامات کئیے جائیں ۔
دبئی امیگریشن حکام کے مطابق اس سال پاکستانیوں کی ویزہ درخواستوں کو مسترد کرنے کے حوالے سے زبردست اضافہ ہوا ہے اور یہ شرح 67فیصدتک پہنچ گئی ہےیعنی اتنی شرح میں تو یوکے اور امریکہ کے ویزے بھی ریفیوز نہیں ہوتے ۔ دبئی حکام کا کہنا ہے کہ پاکستانی دبئی ویزہ حاصل کرنے کے لیے ضروری باتوں کا خیال نہیں کرتے ۔ زیادہ تر درخواستیں صرف اس وجہ سے مسترد کردی جاتی ہیں کیونکہ ان درخواستوں کو درست طریقے سے اپ لوڈ نہیں کیا جاتا کوالٹی بہتر نہیں ہوتی اور نہ ہی پوری دستاویزات لگائی جاتی ہیں۔
دبئی حکام کا کہنا ہے کہ درخواست گزار نے ایک ہی بکنگ پر ریٹرن ٹکٹ بھی شو کروانا ہوتی ہے اور اس کے ساتھ ساتھ ہوٹل کی پیڈ بکنگ ہونا بھی بہت ضروری ہے اس وجہ سے درخواستیں مسترد ہوتی ہیں کیونکہ دبئی امیگریشن حکام اب ہر درخواست کی زیادہ بہتر اور زیادہ تفصیل میں چیکنگ کرتے ہیں