3
ویسٹ انڈیز کرکٹ ٹیم 19 سال بعد ٹیسٹ سیریز کھیلنے کیلئے پاکستان پہنچ گئی۔
ٹیم دبئی سے نجی ایئرلائن کے ذریعے اسلام آباد پہنچی اور سخت حفاظتی انتظامات میں اسے مقامی ہوٹل پہنچایا گیا۔
پاکستان اور ویسٹ انڈیز کے درمیان دو ٹیسٹ میچوں کی سیریز ہوگی، پہلا ٹیسٹ 17 جنوری اور دوسرا 25 جنوری سے شروع ہوگا۔ دونوں میچز ملتان کرکٹ سٹیڈیم میں کھیلے جائیں گے۔
واضح رہے کہ ویسٹ انڈیز نے آخری بار 2006 میں ٹیسٹ سیریز کیلئے پاکستان کا دورہ کیا تھا۔
ویسٹ انڈیز اسکواڈ:
کریگ براتھویٹ (کپتان)، ایلک اتھانازے، کیسی کارٹی، جوشوا ڈا سلوا، جسٹن گریویز، کیویم ہوج، ٹیون املاچ، عامر جنگو، میکائل لوئس، گڈاکیش موتی، اینڈرسن فلپ، کیمار روچ، جیڈن سیلز، کیون سنکلیئر اور جومل واریکن۔