دوسرے ٹیسٹ میچ میں ویسٹ انڈیز کی پاکستان کے خلاف بیٹنگ جاری۔ مہمان ٹیم نے ٹاس جیت کر پاکستان کے خلاف پہلے بیٹنگ کا فیصلہ کیا۔
ویسٹ انڈیز کے کپتان کریگ براتھویٹ نے پاکستان کے ہوم ایڈوانٹیج کو تسلیم کیا لیکن اپنی ٹیم کی موافقت کی صلاحیت پر اعتماد کا اظہار کیا۔ دو ٹیسٹ میچوں کی سیریز میں میزبان ٹیم کو ایک صفر کی برتری حاصل ہے۔
دوسرے ٹیسٹ کیلئے پاکستان کی پلیئنگ الیون میں ایک تبدیلی کی گئی ہے۔ فاسٹ بولر کاشف علی ٹیسٹ ڈیبیو کریں گے جبکہ پیسر خرم شہزاد پلیئنگ الیون کا حصہ نہیں ہوں گے۔
بقیہ لائن اپ میں کپتان شان مسعود، محمد ہریرہ، بابر اعظم، کامران غلام، سعود شکیل، محمد رضوان (وکٹ کیپر)، سلمان علی آغا، ساجد خان، نعمان علی، اور ابرار احمد شامل ہیں۔
ہیڈ کوچ عاقب جاوید نے سابق کھلاڑیوں اور تجزیہ کاروں کی تنقید کو مسترد کرتے ہوئے پاکستان کی اسپن ہیوی حکمت عملی کا دفاع کیا۔