1
انگلش ٹیم کے کپتان جوس بٹلر نے کہا کہ افغانستان کے پاس بہترین اسپنر موجود ہیں۔ ہماری کوشش ہوگی بہترین پرفارمنس دیتے ہوئے میچ جیتیں۔
لاہور میں پریس کانفرنس کرتے ہوئے انگلش ٹیم کے کپتان نے کہا کہ ہمیں کچھ چیزیں بہتر کرنے کی ضرورت ہے کیوں کہ پہلے میچ میں ہم نے کچھ غلطیاں کی تھیں جسے دوہرانا نہیں چاہتے۔ ہمیں اپنے بولر کرس کی انجری کا دکھ ہے۔ پہلے میچ میں ہمارے بولرز کو کافی اسکور پڑا مگر کوشش ہوگی افغانستان کے خلاف میچ میں کم بیک کریں۔
انہوں نے مزید کہا کہ امید ہے کہ کل کے میچ میں دونوں ٹیمیں اچھی کرکٹ کھیلیں گے۔ اس پچ پر کسی ہدف کا تعاین کرنا مشکل کام ہے۔ ہیری بروک ایک بہترین کھلاڑی ہیں، ان سے اچھی اننگز کی امید رکھتے ہیں۔ آسٹریلیا کے نوجوان کھلاڑیوں نے بہترین کرکٹ کھیلی تھی۔