ہمیں دکھ ہے کہ چیمپئنز ٹرافی سے باہر ہوگئے ہیں، جوس بٹلر

1

لاہور: انگلینڈ ٹیم کے کپتان جوس بٹلر نے کہا کہ ہمیں دکھ ہے کہ چیمپئنز ٹرافی سے باہر ہوگئے ہیں۔

پریس کانفرنس کرتے ہوئے انگلش کپتان نے کہا کہ افغانستان کی ٹیم نے آج ہم سے بہتر کرکٹ کھیلی جس وجہ سے انھوں نے جیت حاصل کی۔ ہم نے شروع میں جلدی وکٹیں حاصل کیں مگر پھر وکٹیں نکالنے میں ناکام رہے۔

انہوں نے کہا کہ ہم نے بطور ٹیم کافی غلطیاں کیں جس وجہ سے ناکامی کا سامنا کرنا پڑا۔ جذبات میں آ کر اپنے مستقبل کا فیصلہ نہیں کرنا چاہتا۔ چیمپئنز ٹرافی کے بعد بات چیت کر کے مستقبل کے حوالے سے فیصلہ کروں گا۔

جوس بٹلر نے کہا کہ ہم نے ماضی قریب میں کافی اچھے میچ کھیلے ہیں مگر ہم ان میچز کو اپنے حق میں کرنے میں ناکام رہے۔ شکست کو تسلیم کرنا بہت مشکل ہوتا ہے، مگر ہمیں اس چیز کو تسلیم کرکے آگے بڑھنا ہوگا۔