شادیوں کا موسم آ چکا ہے، اور دنیا بھر میں شاندار تقریبات کی تصاویر اور ویڈیوز انٹرنیٹ پر وائرل ہو رہی ہیں۔ ایسے میں بھارت میں شادی کی تقریب میں ہری مرچوں کے حلوے نے انٹرنیٹ پر دھوم مچائی دی ہے۔
ایک انسٹاگرام صارف نے اس ویڈیو کو شیئر کیا، جس میں ایک خاتون اس غیر روایتی میٹھی ڈش کو دیکھ کر اپنی حیرت کا اظہار کرتی ہیں۔ وہ کہتی ہیں، “میں نے بہت سی میٹھائیاں کھائی ہیں، لیکن یہ پہلی بار ہے کہ میں نے مرچوں کا حلوہ سنا ہے۔” ویڈیو میں دکھایا گیا ہے کہ سبز مرچوں کو چاندی کے ورق میں لپیٹا گیا ہے، اور ایک خادم حلوہ کو مسلسل ہلاتا جا رہا ہے۔ جب خاتون وہاں موجود دیگر افراد سے پوچھتی ہیں کہ کیا انہوں نے ایسی میٹھائی دیکھی ہے، تو وہ سب یک زبان ہو کر جواب دیتے ہیں کہ نہیں۔
اس ویڈیو کو اب تک 10 لاکھ سے زیادہ ویوز اور 14 ہزار سے زیادہ لائکس مل چکے ہیں، جس کے نتیجے میں تجسس اور بحث کا ایک طوفان اٹھ کھڑا ہوا ہے۔ کچھ ناظرین نے اس تخلیقی انداز کو سراہا ہے، جب کہ دیگر اس بات پر حیرانی کا اظہار کر رہے ہیں کہ مرچوں کو میٹھائی میں تبدیل کرنا کس طرح ممکن ہو سکتا ہے۔