ایرانی سپریم کورٹ کے دو سینئر ججوں کو دارالحکومت تہران میں گولی مار کر قتل کر دیا گیا ہے۔
ایرانی میڈیا کے مطابق حملہ آور نے سپریم کورٹ کے اندر ججوں پر فائرنگ کرنے کے بعد خود کو ہلاک کر لیا، اور ایک جج کا محافظ زخمی ہو گیا۔
عدلیہ نے جاں بحق ہونے والے ججوں کی شناخت علی رازینی اور محمد مغیثی کے نام سے کی ہے۔
اگرچہ قتل کا مقصد ابھی تک واضح نہیں ہے، عدلیہ کے ترجمان اصغر جہانگیر نے سرکاری ٹیلی ویژن کو بتایا کہ دونوں جج طویل عرصے سے قومی سلامتی، جاسوسی اور دہشت گردی کے مقدمات کی سماعت کر رہے تھے۔ یہ ایسے اقدام ہیں جس نے دشمنوں میں غصہ اور ناراضگی کو جنم دیا۔
سرکاری ٹی وی نے کہا کہ یہ مقدمات اسرائیل سے منسلک افراد اور امریکہ کی حمایت یافتہ ایرانی اپوزیشن سے متعلق ہیں۔ لیکن اس کی تفصیل نہیں بتائی۔
رازینی کو 1998 میں ایک قاتلانہ حملے کا نشانہ بنایا گیا تھا۔