3
خیبرپختونخوا کے ضلع باجوڑ میں دو مختلف دھماکوں میں ایک پولیس اہلکار سمیت 2 افراد جاں بحق ہوگئے۔
تفصیلات کے مطابق تحصیل مہمند کے علاقے عرب میں ایک دھماکہ ہوا جس میں ایک شخص جاں بحق جبکہ دوسرا دھماکہ تھانہ لوئی مہمند کی حدود میں ہوا جس کے نتیجے میں ایک پولیس اہلکار شہید ہوگیا۔
خیبرپختونخوا میں پچھلے کچھ دنوں سے ایسے واقعات میں تیزی سے اضافہ دیکھنے میں آیا ہے۔ 20 نومبر کو خیبرپختونخوا کے شہر بنوں میں چیک پوسٹ پر خودکش حملے میں کم از کم 12 سیکیورٹی اہلکار شہید ہوگئے تھے۔
آئی ایس پی آر نے کہا کہ سیکیورٹی فورسز اور قانون نافذ کرنے والے ادارے دہشت گردی کی لعنت کے خاتمے کے لیے پرعزم ہیں۔ ہمارے بہادر جوانوں کی قربانیاں ہمارے عزم کو مزید مضبوط کرتی ہیں۔