8
واشنگٹن ( اسلم مراد ) امریکہ کے نومنتخب صدر ڈونلڈ ٹرمپ نے بیس جنوری کو اپنے عہدے کا حلف اٹھانے کے بعد تارکین وطن کے معاملات کو سختی سے نمٹنا شروع کردیا ہے ۔
نو منتخب صدر نے غیر قانونی تارکین وطن کو ملک سے نکالنے کے لیے تمام وسائل بروے کارلانے کا اعلان کیا ہے اور کہا ہے کہ امریکہ میں ہر وہ شخص جس کے پاس قانونی دستاویزات موجود نہیں ہیں انہیں ملک سے نکال دیا جائے گا ۔
حکام نے اس حوالے سے غیر قانونی مقیم افراد کی فہرست تیار کرلی ہے جس میں پاکستان ، بنگلہ دیش، ایران ، بھارت ، نیپال ، یورپی ممالک کے لوگ ، اور افریقہ کے چھ لاکھ سے زائد تارکین وطن بھی شامل ہیں ان سب کو امریکہ سے باہر نکالنے کے بڑے آپریشن کی تیاری کی جارہی ہے دلچسپ بات یہ ہے کہ ان ممالک میں اٹھارہ ہزار بھارتی بھی شامل ہیں۔