4
امریکی انتخابات میں تاریکی فتح حاصل کرنے کے بعد ٹرمپ نے قابل اور وفار ساتھیوں کو اپنی کابینہ میں شامل کرنے کیلئے غور شروع کر دیا ہے۔
امریکی میڈیا نے انکشاف کیا ہے کہ نومنتخب صدر نے سینیٹر مارکو روبیو کو وزیر خارجہ کا عہدہ دینے پر رضامندی ظاہر کی ہے۔ جبکہ مائیکل والز کو قومی سلامتی کا مشیر بنایا جا سکتا ہے۔ انہوں نے ایک بار پھر امریکا کو عظیم ملک بنانے کے عزم کا اعادہ کیا ہے۔
اس سے قبل انہوں نے کہا تھا کہ سابق گورنر نکی ہیلی اور مائیک پومپیو کو نئی حکومت میں شامل نہیں کیا جائے گا۔ ٹرمپ نے کہا مجھے اپنے پہلے دور حکومت میں اُن کے ساتھ کام کرکے اچھا لگا۔ میں اُن کی خدمات پر اُن کا شکریہ ادا کرتا ہوں۔
واضح رہے کہ نومتخب صدر ٹرمپ اگلے سال جنوری میں صدر کا حلف اٹھائیں گے۔