سہ ملکی سیریز کے دوسرے میچ میں جنوبی افریقہ نے میتھیو بریٹزکے کے 150 رنز کی بدولت نیوزی لینڈ کو جیت کیلئے 305 رنز کا ٹارگٹ دے دیا۔
لاہور قذافی اسٹیڈیم میں کھیلے جا رہے دوسرے میچ میں نیوزی لینڈ نے ٹاس جیت کر جنوبی افریقہ کو پہلے بیٹنگ کی دعوت دی۔ تو پروٹیز نے مقرر 50 اوورز میں 6 وکٹوں کے نقصان پر 304 رنز بنائے۔
جنوبی افریقہ کی جانب سے میتھیو بریٹزکے نے 150 ، جیسن اسمتھ 41 جبکہ ویان مولڈر 64 رنز بنا کر نمایاں رہے۔
واضح رہے کہ سیریز کے پہلے میچ میں کیویز نے پاکستان کو شکست دی تھی۔ دوسرا میچ جیتنے کی صورت میں نیوزی لینڈ ٹیم ٹرائی نیشن سیریز کا فائنل کھیلے گی۔
نیوزی لینڈ نے ٹیم میں زخمی رچن رویندرا کی جگہ ڈیون کونوے کو شامل کیا ہے۔ آل راؤنڈر پاکستان کی اننگز کے 38ویں اوور میں کیچ لینے کی کوشش کے دوران فلڈ لائٹس میں گیند کی نظر سے محروم ہونے کے بعد ماتھے پر لگنے سے لہولہان ہو گئے تھے۔
نیوزی لینڈ الیون:
ڈیون کونوے، ول ینگ، کین ولیمسن، ڈیرل مچل، ٹام لیتھم (وکٹ)، گلین فلپس، مائیکل بریسویل، مچل سینٹنر (کپتان)، بین سیئرز، میٹ ہنری، ول اوورکے
جنوبی افریقہ الیون:
ٹیمبا بووما (کپتان)، میتھیو بریٹزکے، جیسن اسمتھ، کائل ویرین (وکٹ)، ویان مولڈر، میہلالی مپونگوانا، سینوران متھوسمی، ایتھن بوش، جونیئر ڈالا، لونگی نگیڈی، تبریز شمسی