بین الاقوامی کرکٹ کونسل (آئی سی سی) نے 2024 کے لیے او ڈی آئی ٹیم آف دی ایئر کا اعلان کیا،جس میں تین پاکستانی کھلاڑی بھی شامل ہیں۔
پاکستان کے اوپننگ بیٹر صائم ایوب، جنہوں نے 2024 میں شاندار پرفارمنس کا مظاہرہ کیا، ٹیم میں اوپننگ بیٹر کے طور پر شامل کیے گئے ہیں۔صائم ایوب نے 2024 میں پاکستان کے لیے نو او ڈی آئی میچز کھیلتے ہوئے 515 رنز بنائے، جو کہ شاندار اوسط 64.37 اور اسٹرائیک ریٹ 105.53 کے ساتھ تھے۔صائم ایوب نے تین سنچریاں اور ایک پچاس بنایا، جبکہ ان کا سب سے زیادہ اسکور 113 رنز رہا۔
پاکستان کے پیسر شاہین آفریدی بھی 2024 کے لیے آئی سی سی مینز او ڈی آئی ٹیم آف دی ایئر میں شامل ہونے والے دوسرے پاکستانی کھلاڑی ہیں۔شاہین آفریدی نے 2024 میں پاکستان کے لیے صرف چھ میچز کھیلے، لیکن ان میچز میں ان کا اثر گہرا رہا اور انہوں نے 15 وکٹیں حاصل کیں۔شاہین آفریدی نے 2024 کو 17.6 کی اوسط سے ختم کیا، اور ان کا بہترین باؤلنگ فیگر 4/47 تھا۔
پاکستان کے پیسر حارث رؤف بھی 2024 کے لیے آئی سی سی مینز او ڈی آئی ٹیم آف دی ایئر میں شامل ہونے والے تیسرے پاکستانی کھلاڑی ہیں۔حارث رؤف نے اپنی شاندار پرفارمنس کی بدولت اس اسٹینڈ آؤٹ الیون میں جگہ بنائی۔حارث رؤف نے آٹھ او ڈی آئی میچز کھیلتے ہوئے 13 وکٹیں حاصل کیں، ان کی باؤلنگ اوسط 22.4 رہی اور بہترین باؤلنگ فیگر 5/29 تھا۔
آئی سی سی او ڈی آئی ٹیم آف دی ایئر میں دیگر نمایاں کھلاڑیوں میں رحمان اللہ گرباز (افغانستان)، پاتھم نسانکا (سری لنکا)، کُسال مینڈس (سری لنکا )، چاریتھ آسالانکا (سری لنکا)، شیرفین روتھر فورڈ (ویسٹ انڈیز)، ازمت اللہ عمر زئی (افغانستان)، وانندو ہاسرنگا (سری لنکا) اور اے ایم غزنفر (افغانستان) شامل ہیں۔
آئی سی سی ون ڈے ٹیم آف دی ایئر 2024 میں تین پاکستانی کھلاڑی شامل
1