2
پاکستان مسلم لیگ ن کے صدر نواز شریف نے کہا ہے کہ 24 نومبر کو احتجاج کرنے والے ملک کے خیر خواہ نہیں ہیں ، اُن کو حکومت کی اچھی کارکردگی ہضم نہیں ہو رہی۔
سابق وزیر اعظم اپنی بیٹی وزیر اعلیٰ پنجاب کے ہمراہ لندن سے واپس پاکستان آنے کیلئے ایون فیلڈ سے ائیرپورٹ پہنچے جہاں انہوں نے میڈیا سے گفتگو کرتے ہوئے کہا، پاکستان تحریک انصاف (پی ٹی آئی) کے بانی کی احتجاج کی کال ملک کو ڈی ریل کرنے کی سازش ہے۔ انہوں نے کہا کہ ملک کے خلاف چھوٹا پروپیگنڈا کرنے والے کبھی کامیاب نہیں ہوں گے۔
دوسری جانب، پاکستان تحریک انصاف کا کہنا ہے کہ اُن کا یہ احتجاج جمہوریت کی خاطر ہے۔ پی ٹی آئی رہنماوں کا کہنا ہے کہ 24 نومبر کو شروع ہونے والا احتجاج اُس وقت تک جاری رہے گا جب تک بانی کو جیل سے رہائی نہیں مل جاتی۔ پی ٹی آئی رہنماوں نے مزید کہا ہم اس جعلی حکومت کو نہیں مانتے۔