4
پاکستان اسٹاک ایکسچینج (پی ایس ایکس) کا کاروباری ہفتے کے چوتھے روز بھی بھرپور تیزی پر اختتام ہوا۔ 100 انڈیکس تاریخ میں پہلی بار 97 ہزار کی بلند ترین سطح عبور کر گیا۔ کمرشل بینکنگ اور آٹو موبیل سیکٹرز میں تیزی رہی۔
پی ایس ایکس میں آج 100 انڈیکس میں 1781 پوائنٹس کا اضافہ ہوا۔ جس کے بعد 100 انڈیکس 97 ہزار 328 پوائنٹس کی تاریخی بلندی پر بند ہوا۔
100 انڈیکس کی بلند ترین سطح 97 ہزار 437 پوائنٹس جبکہ کم ترین سطح 95 ہزار 300 پوائنٹس رہی۔ گزشتہ روز 100 انڈیکس 95 ہزار 546 پوائنٹس پر بند ہوا تھا۔
مارکیٹ میں آج 96 کروڑ 95 لاکھ سے زائد شیئرز کا کاروبار ہوا، شیئرز کی مالیت 35 ارب 14 کروڑ 18 لاکھ روپے سے زائد ریکارڈ ہوئی، مجموعی طور پر 455 کمپنیوں کے حصص کا کاروبار ہوا، جس میں 249 کمپنیوں کے حص میں تیزی جبکہ 165 میں مندی ہوئی۔