آئی سی سی چیمپئینز ٹرافی دو ہزار پچیس کا ساتواں میچ بارش کے باعث متاثر ہونے کا خدشہ ہے۔
پنڈی کرکٹ اسٹیڈیم میں آسٹریلیا اور ساؤتھ افریقہ کے مابین ساتواں میچ آج شیڈول ہے۔ لیکن محکمہ موسمیات نے دن بھر بارش کی پیش گوئی کر رکھی ہے۔ اسلام آباد کے مختلف علاقوں میں وقفے وقفے سے بارش کا سلسلہ جاری۔
دوسری جانب، میچ کے پرُامن انعقاد کیلئے سکیورٹی کے سخت اقدامات کیے گئے ہیں۔ راولپنڈی پولیس کے 5000 سے زائد افسران سیکورٹی فرائض سرانجام دے رہے ہیں۔ سی پی او سید خالد ہمدانی، ایس ایس پی آپریشنز، چیف ٹریفک آفیسر فیلڈ میں موجود رہ کر انتظامات کی نگرانی کر رہے ہیں۔ سیف سٹی اور دیگر سی سی ٹی وی کیمروں سے سٹیڈیم، گردونواح اور شہر بھر کی مانیٹرنگ کی جا رہی ہے۔
سی پی او راولپنڈی نے کہا کہ شائقین کو سٹیڈیم تک لانے کے لئے شٹل سروس فراہم کی گئی ہے، سٹیڈیم میں 25 سے 30 ہزار کرکٹ شائقین کی آمد متوقع ہے۔