پاکستان اور نیوزی لینڈ کے درمیان مختصر فارمیٹ کی سیریز، دونوں ٹیمیں کل پہلے میچ میں آمنے سامنے ہونگی۔
پاکستان اور نیوزی لینڈ کے درمیان پہلا ٹی20 کل کھیلا جائے گا۔ میچ پاکستانی وقت کے مطابق صبح چھ بجے شروع ہوگا۔
سیریز کے آغاز سے قبل ہیگلے اوول گراؤنڈ میں قومی ٹیم کیلئے روایتی ویلکم تقریب کا اہتمام کی گیا۔ دونوں ٹیموں کے ساتھ دیمی موری ٹرائب کے نمائندے بھی شریک ہوئے۔
نیوزی لینڈ کے کپتان مائیکل بریسویل نے پاکستانی ٹیم کو خوش آمدید کہا۔ پاکستانی کپتان سلمان علی آغا نے ویلکم تقریب کے میزبانوں کا شکریہ ادا کیا۔
قومی کپتان سلمان علی آغا نے میڈیا سے گفتگو کرتے ہوئے کہا کہ ہماری ٹیم نئے اور تجربہ کار کھلاڑیوں کا اچھا مکسچر ہے، ہم یہاں جیتنے آئے ہیں۔
دونوں ٹیموں نے پانچ ٹی ٹوینٹی میچز کی سیریز کے آغاز سے قبل ہیگلے اوول بھرپور پریکٹس سیشن کیا۔ پاکستانی ٹیم نئے کپتان اور نوجوان کھلاڑیوں کے ساتھ ان ایکشن ہوگی۔