2
اسرائیل کے ساتھ جنگ کے دوران شہید ہونے والوں کی نماز جنازہ ایران کے دارالحکومت تہران میں ادا کی گئی۔ ہفتے کے روز 60 شہدا کی نماز جنازہ میں اعلیٰ عسکری کمانڈرز اور ہزاروں شہریوں نے شرکت کی۔
اس کے علاوہ، ایرانی جوہری سائنسدانوں کی بھی نماز جنازہ ادا کی گئی۔ شہدا کی میتوں کو ایرانی پرچم میں لپیٹا گیا تھا اور ان کی تصاویر بھی آویزاں کی گئی تھیں۔
ایرانی میڈیا کے مطابق، اس نماز جنازہ میں حکومتی اہلکار، عسکری قیادت، اور قدس فورس کے کمانڈر اسماعیل قانی بھی موجود تھے۔
واضح رہے کہ اسرائیل کے ساتھ 12 روزہ جنگ میں ایران کی اعلیٰ عسکری قیادت اور 17 جوہری سائنسدانوں سمیت 600 سے زائد شہری شہید ہوئے۔