میڈرڈ (اسلم مرد ) سپین نے اعلان کیا ہے کہ سال دو ہزار چوبیس کے پہلے دس ماہ کے دوران اس نے 780غیر ملکیوں کو گولڈن ویزے جاری کردئیے ہیں ۔
جن میں زیادہ تعداد چین ، روس اور برطانیہ کے شہریوں کی ہے ۔ سپین کے حکومتی زرائع کے مطابق سپین کی گولڈن ویزہ سکیم شروع ہونے سے لیکر اب تک یعنہ گزشتہ گیارہ سال کے دوران 15300غیر ملکیوں کو گولڈن ویزے جاری کئیے ہیں ۔ سپین پانچ لاکھ یورو کی انویسٹمنٹ پر گولڈن ویزہ کی آفر کرتا ہے جس میں غیر ملکی پراپرٹی بھی خرید سکتے ہیں تاہم یہ آپشن جنوری دو ہزار پچیس سے ختم کی جارہی ہے ۔
دوسری جانب پرتگال گولڈن ویزہ میں سپین کو پیچھے چھوڑتا ہوا نظر آرہا ہے کیونکہ پانچ لاکھ یورو کی انویسٹمنٹ میں غیر ملکیوں کو سال میں چھ ماہ کے لیے سپین میں رہنا ضروری ہے جبکہ بارہ سال کے بعد گولڈن ویزہ ہولڈر پاسپورٹ کا اہل ہوتا ہے دوسری جانب پرتگال پانچ لاکھ یورو کے عوص گولڈن ویزہ آفر کرتاہے جس میں ایک سال کے دوران صرف سات دن پرتگال میں رہنا ضروری ہے ۔ جبکہ پانچ سال بعد گولڈ ن ویزہ لوڈر مستقل رہائیش اور پاسپورٹ اپلائی کرنے کا بھی اہل ہوجاتاہے