دوطرفہ تعلقات مزید گہرے ,شہباز شریف کا روسی نائب وزیراعظم کا استقبال:
وزیر اعظم شہباز شریف نے. آج روس کے نائب وزیر اعظم الیکسی اوورچوک سے ملاقات کی. جس میں مختلف شعبوں میں دوطرفہ تعاون بڑھانے پر تبادلہ خیال کیا گیا۔
سرکاری ذرائع کے مطابق. وزیر اعظم شہباز شریف نے. نائب وزیر اعظم اوورچک اور ان کے وفد کا وزیر اعظم ہاؤس میں پرتپاک استقبال کیا۔ اس موقع پر وزیر اعظم نے کہا. کہ روس کے ساتھ دوطرفہ تعلقات مزید گہرے اور مضبوط بنانا پاکستان کی خارجہ پالیسی کی بنیادی ترجیح ہے۔ انہوں نے تجارت، معیشت، توانائی، مواصلات اور سلامتی جیسے شعبوں میں روس کے ساتھ تعاون کو بڑھانے میں. پاکستان کی دلچسپی کا اظہار کیا۔
وزیر اعظم نے آئندہ ماہ. روسی وزیر اعظم میخائل میشوسٹن کے دورہ اسلام آباد کیلئے اپنی توقعات کا ذکر کیا۔ انہوں نے جولائی کے اوائل میں صدر ولادیمیر پوٹن کے ساتھ اپنی نتیجہ خیز بات چیت کا حوالہ دیا. اور دوطرفہ تعاون کو مزید وسعت دینے کیلئے ایک اعلیٰ سطحی وفد بھیجنے پر روسی صدر کا شکریہ ادا کیا۔
نائب وزیر اعظم الیکسی اوورچک نے. پرتپاک استقبال پر وزیر اعظم شہباز شریف کا شکریہ ادا کیا. اور پاکستان کے ساتھ اپنے تعلقات کو مضبوط بنانے کیلئے روس کے عزم کا اعادہ کیا۔ انہوں نے دونوں ممالک کے درمیان تعلقات کو تعمیری اور باہمی طور پر فائدہ مند قرار دیا۔
دونوں فریقین نے باقاعدہ رابطہ برقرار رکھنے اور اپنے تعاون کو مزید بڑھانے پر اتفاق کیا۔
دونوں رہنماؤں نے پاکستان اور روس کے درمیان مفاہمت کی یادداشت (ایم او یو) پر دستخط کی تقریب میں بھی شرکت کی۔ اس معاہدے کا مقصد باہمی دلچسپی کے مختلف شعبوں بشمول تجارت، سرمایہ کاری، توانائی، آئی ٹی، زراعت، سائنس و ٹیکنالوجی اور تعلیم میں تعاون کو فروغ دینا ہے۔