پولیس فورس لاہور میں پٹرول کی شدید قلت،آپریشنز اور انویسٹی گیشن ونگ متاثر،قانون نافذ کرنے والے ادارے مشکلات کا شکار

لاہور(ایگزو نیوز ڈیسک)لاہور میں پولیس فورس کو پٹرول کی شدید کمی کا سامنا ہے، جس کے باعث روزانہ آپریشنز اور انویسٹی گیشن ونگ کی کارکردگی متاثر ہو گئی ہے۔ ذرائع کے مطابق عید کے بعد سے باقاعدہ فیول فراہم نہیں کیا جا رہا،جس سے اہلکار اپنی گاڑیوں میں خود پٹرول ڈلوانے پر مجبور ہیں اور قانون نافذ کرنے والے اداروں کی کارروائیوں میں رکاوٹیں پیدا ہو گئی ہیں۔
ایگزو نیوز کے مطابق صوبائی دارالحکومت میں پولیس فورس کو پٹرول کی شدید قلت کا سامنا ہے، جس کے باعث انویسٹی گیشن اور روزانہ آپریشنز کی کارکردگی متاثر ہو گئی ہے۔ پولیس ذرائع کے مطابق عید کے بعد سے پولیس کو باقاعدہ فیول فراہم نہیں کیا جا رہا،جس کے نتیجے میں ڈیوٹی کے دوران مشکلات میں اضافہ ہو گیا ہے۔ذرائع کے مطابق ایس ایچ اوز اپنی مدد آپ کے تحت گاڑیوں میں پٹرول ڈلوانے پر مجبور ہیں جبکہ ہفتے میں محض ایک بار تین ہزار روپے کے برابر فیول فراہم کیا جا رہا ہے۔اس کمی کے سبب پولیس کی روزانہ پٹرولنگ،انویسٹی گیشن اور کرائم فائٹنگ کی کارروائیاں محدود ہو گئی ہیں۔فیول کی قلت کی وجہ سے پولیس اہلکار ملزمان کی گرفتاری اور مختلف آپریشنز میں مطلوبہ حد تک پیش رفت نہیں کر پا رہے،جس سے قانون نافذ کرنے والے اداروں کی کارکردگی پر منفی اثرات مرتب ہو رہے ہیں۔ حکام کا کہنا ہے کہ اگر فیول کی فراہمی میں فوری بہتری نہ آئی تو شہر میں سیکیورٹی چیلنجز مزید بڑھ سکتے ہیں۔