پاکستان بھر میں سردی کی شدید لہر جاری ہے، شمالی علاقہ جات میں درجہ حرارت نقطہ انجماد سے گر گیا۔
محکمہ موسمیات کے مطابق آزاد کشمیر، گلگت بلتستان اور خیبرپختونخوا کے پہاڑی علاقوں میں وقفے وقفے سے برفباری کا سلسلہ جاری ہے جس کے باعث درجہ حرارت نقطہ انجماد سے نیچے گر گیا۔ ندیاں، آبشاریں اور جھیلیں منجمد ہو چکی ہیں۔
شدید سردی اور برف باری نے علاقہ مکینوں کو گھروں میں رہنے پر مجبور کر دیا ہے۔ جس سے خوراک اور ادویات کی قلت پیدا ہو گئی ہے۔ وادی نیلم میں موسلا دھار بارش اور برف باری سے معمولات زندگی درہم برہم ہو کر رہ گئے۔
محکمہ موسمیات کے مطابق قلات میں درجہ حرارت منفی 10 ، زیارت میں منفی 9 ، گوپیوں اور کوئٹہ دونوں میں منفی 7 ، لیہہ میں منفی 5 ڈگری سینٹی گریڈ ریکارڈ کیا گیا جبکہ استور میں منفی 4 ڈگری سینٹی گریڈ ریکارڈ کیا گیا۔
دریں اثنا، قومی شاہراہ پر دھند کے باعث حد نگاہ انتہائی کم ہو گئی ہے جس کے باعث موٹر ویز کے مختلف سیکشنز کو بند کر دیا گیا ہے۔
ترجمان موٹروے پولیس کے مطابق لاہور سے کوٹ مومن تک سیکشن M-2 اور M-3 سے عبدالحکیم کو ٹریفک کے لیے بند کر دیا گیا ہے۔
پنڈی بھٹیاں سے فیصل آباد تک M-4 اور لاہور سے سیالکوٹ M-11 کے سیکشنز کو بھی بند کر دیا گیا ہے۔