عالمی شہرت یافتہ ریپر شان کومبس المعروف ڈیڈٰی نے بروکلن جیل سے رہائی کیلئے 50 ملین ڈالر کا بیل پیکج پیش کیا ہے، یہاں وہ آٹھ ہفتوں سے جنسی ٹریفکنگ کے الزامات میں قید ہیں۔
کامبز کو ان کی گرفتاری کے بعد تین بار ضمانت کی درخواست مسترد کی جا چکی ہے، جس میں متعدد ججز نے گواہوں کے ساتھ چھیڑ چھاڑ کے خدشات کو وجہ بنایا۔ ریپر اور پروڈیوسر نے اپنے اوپر لگے تمام الزامات کو مسترد کر دیا ہے۔ ان کے وکلا نے یہ موقف اپنایا کہ پراسیکیوٹرز کے مطابق جنسی سرگرمیاں رضامندی سے کی گئی تھیں۔
جمعہ کو ایک عدالت میں دائر کی گئی درخواست میں دفاعی وکیل ایلکسینڈرا شیپرو نے جج سبھرمینن سے درخواست کی کہ کامبز کو 50 ملین ڈالر کے بانڈ پر رہا کیا جائے۔ شیپرو نے یہ بھی تجویز پیش کی کہ کامبز کی مسلسل نگرانی کی جائے، انہیں گھریلو نظر بندی میں رکھا جائے، اور ان کا کسی بھی مشتبہ فرد یا گواہ سے رابطہ نہ ہو۔
شیپرو نے مزید کہا کہ کامبز کے لیے جیل سے مقدمے کی تیاری کرنا ناممکن ہے کیونکہ مواد بہت زیادہ ہے، خاص طور پر بغیر کمپیوٹر کے۔ انہوں نے کہا کہ جیل کی حالتوں نے ان کی تیاری کو مشکل بنا دیا ہے، جس میں بار بار لاک ڈاؤن اور افسران کی طرف سے ان کے نوٹس کے لیے استعمال ہونے والے قلم چھیننا شامل ہیں۔ قید میں رکھنے سے کامبز کو مقدمے کی تیاری کے لیے "کسی بھی حقیقی موقع” سے محروم کیا جا رہا ہے، جو کہ امریکی آئین کے تحت ان کے حقوق کی خلاف ورزی ہے۔