دبئی میں نیوزی لینڈ کے خلاف چیمپیئنز ٹرافی کے فائنل میں تاریخی فتح کے بعد، بھارتی کپتان روہت شرما نے ون ڈے انٹرنیشنل سے ریٹائرمنٹ کی افواہوں کو ختم کرتے ہوئے اس بات کی تصدیق کی کہ وہ ملک کیلئے 50 اوور کا فارمیٹ کھیلنا جاری رکھیں گے۔
میچ جیتنے کے بعد میڈیا سے گفتگو کرتے ہوئے بھارتی کپتان نے کہا کہ میں اس فارمیٹ سے ریٹائر نہیں ہو رہا ہوں… اس حوالے سے افواہیں نہ پھیلائیں۔
فائنل میچ میں انہوں نے 76 رنز بنا کر بھارت کو تیسری بار چیمپئنز ٹرافی جیتنے میں اہم کردار ادا کیا۔
ٹورنامنٹ کے دوران بھارت کے اسٹریٹجک نقطہ نظر کے بارے میں بات کرتے ہوئے، روہت نے اپنی کامیابی میں اسپنرز کے اہم کردار پر زور دیا۔ انہوں نے کہا کہ جب مجھے دبئی میں ٹورنامنٹ کھیلنے کے بارے میں معلوم ہوا تو ہم نے چار اسپنرز کا انتخاب کیا کیونکہ دبئی کی وکٹ پر کچھ عرصے سے کافی کرکٹ کھیلی گئی تھی اور جہاں کرکٹ تھی وہاں اسپنرز میچ ونر بن سکتے تھے۔ اس کی بنیاد پر ٹیم کے اسپنرز کا انتخاب کیا گیا، اور انہوں نے شاندار پرفارمنس دی۔
دنیا کی نمبر ایک ون ڈے ٹیم، بھارت پاکستان اور متحدہ عرب امارات میں کھیلے گئے آٹھ ملکی ٹورنامنٹ میں ناقابل شکست رہی۔