پاکستان کی انگلینڈ کے خلاف بیٹنگ
راولپنڈی ٹیسٹ کے دوسرے دن. پاکستان کی انگلینڈ کے خلاف بیٹنگ جاری۔ 267 رنز کے جواب میں قومی ٹیم نے 6 وکٹوں کے نقصان پر 163 رنز بنا لیے ہیں۔
آخری ٹیسٹ کے دوسرے دن. شاہینوں نے 73 رنز پر تین وکٹوں کے نقصان پر اپنی پہلی نامکمل اننگز کا آغاز کیا. تو کپتان شان مسعود اور سعود شکیل 16، 16 رنز پر کریز پر موجود تھے۔ اپنے کل کے سکور میں 10 رنز کا اضافہ کرکے. شان مسعود 26 پر شعیب بشیر کا شکار بنے۔ اس کے بعد وکٹ کیپر بلے باز. محمد رضوان اور سلمان علی آغا بھی. اپنی وکٹ گنوا بیٹھے ہیں۔ جبکہ سعود شکیل 60 رنز بنا کر عامر جمال کے ساتھ کریز پر موجود ہیں۔
انگلینڈ کی پاکستان کے خلاف بیٹنگ:
تیسرے ٹیسٹ کے پہلے دن پاکستان کے خلاف پہلے کھیلتے ہوئے انگلینڈ کی پوری ٹیم 267 رنز پر آوٹ ہوگئی۔ آخری ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا تو ساجد خان اور نعمان علی نے انگلش بلے بازوں کو کھل کر نہ کھیلنے دیا اور اُن کو 267 رنز پر ہی آوٹ کر دیا۔
ساجد خان نے 6 جبکہ نعمان علی نے 3 کھلاڑیوں کو پویلین کی راہ دکھائی۔ انگلینڈ کی طرف سے جیمی اسمتھ 89 اور بین ڈکٹ 52 رنز بنا کر ٹاپ سکورر رہے۔
مہمان ٹیم کے 267 رنز کے جواب میں قومی ٹیم کی بیٹنگ لائن بھی لڑکھڑا گئی تھی اور پہلے دن کے اختتام پر پاکستان نے 3 وکٹوں کے نقصان پر 73 رنز بنائے تھے۔
راولپنڈی ٹیسٹ میں کامیابی حاصل کرنے کیلئے مہمان انگلینڈ نے اپنی پلیئنگ الیون میں دو تبدیلیاں کیں ہیں۔ سیمر گس اٹکنسن کی واپسی ہوئی ہے جبکہ لیگ اسپنر ریحان احمد کو ٹیم میں شامل کیا گیا ہے۔ برائیڈن کارس اور میتھیو پوٹس کو باہر کیا گیا ہے۔
پاکستان کرکٹ بورڈ (پی سی بی) نے تیسرے ٹیسٹ کے لیے پلیئنگ الیون میں کوئی تبدیلی نہیں کی ہے۔
پاکستان پلیئنگ الیون:
صائم ایوب، عبداللہ شفیق، شان مسعود (کپتان)، کامران غلام، سعود شکیل (وائس کپتان)، محمد رضوان (وکٹ کیپر)، سلمان علی آغا، عامر جمال، نعمان علی، ساجد خان اور زاہد محمود شامل ہیں۔
انگلینڈ پلیئنگ الیون:
زیک کرولی، بین ڈکیٹ، اولی پوپ، جو روٹ، ہیری بروک، بین اسٹوکس (کپتان)، جیمی اسمتھ، گس اٹکنسن، ریحان احمد، جیک لیچ، شعیب بشیر
یاد رہے کہ پہلے ٹیسٹ میں انگلینڈ جبکہ دوسرے میں پاکستان نے فتح حاصل کی تھی۔