مقتول ایرانی کمانڈر قاسم سلیمانی کی بھتیجی اور بیٹی امریکا میں گرفتار،گرین کارڈ معطل، ملک بدری کا امکان

اسلام آباد(ایگزو نیوز ڈیسک)مقتول ایرانی کمانڈر قاسم سلیمانی کی بھتیجی حامدہ سلیمانی افشار اور ان کی بیٹی کو امریکا میں گرفتار کر لیا گیا ہے۔ امریکی محکمہ خارجہ کے مطابق دونوں افراد اب امیگریشن اور کسٹمز انفورسمنٹ کی تحویل میں ہیں جبکہ ان کے قانونی مستقل رہائشی (گرین کارڈ) کی رکنیت معطل کر دی گئی ہے۔
ایگزو نیوز کے مطابق امریکا میں قاسم سلیمانی کی بھتیجی حامدہ سلیمانی افشار اور ان کی بیٹی کو امریکی حکام نے گرفتار کر لیا ہے۔ امریکی محکمہ خارجہ نے تصدیق کی ہے کہ دونوں افراد اب امیگریشن اور کسٹمز انفورسمنٹ کی تحویل میں ہیں جبکہ ان کے قانونی مستقل رہائشی (گرین کارڈ) کا درجہ منسوخ کر دیا گیا ہے۔امریکی سینیٹر مارکو روبیو نے بتایا کہ یہ اقدام امریکی قومی سلامتی کے تحفظ کے لیے ضروری تھا۔ روبیو نے واضح کیا کہ حامدہ سلیمانی افشار اور ان کی بیٹی کو جلد ہی ملک بدر کیا جا سکتا ہے۔ اس حوالے سے سوشل میڈیا پر انہوں نے اعلان کیا کہ امریکا میں ایسے غیر ملکی شہریوں کو رہائش کی اجازت نہیں دی جائے گی جو امریکی مخالف دہشت گردی یا ایران کی عسکری کارروائیوں کی حمایت کرتے ہوں۔امریکی محکمہ خارجہ کے مطابق حامدہ سلیمانی افشار نے ایران کے پاسداران انقلاب اور قاسم سلیمانی کی کارروائیوں کی حمایت کی، ایران کے نئے سپریم لیڈر کی تعریف کی اور امریکا کے خلاف بیانات جاری کیے۔ ان کے شوہر پر بھی امریکا میں داخلے کی مکمل پابندی عائد کر دی گئی ہے۔یہ اقدام اس پس منظر میں سامنے آیا ہے کہ ایران کے سابق جنرل قاسم سلیمانی کے قریبی رشتہ داروں پر امریکا کی طرف سے سخت نگرانی اور پابندیوں کا سلسلہ جاری ہے۔ اس سے قبل ایران کے مشیر برائے سلامتی علی لاریجانی کی بیٹی اور ان کے شوہر پر بھی قانونی رہائش اور داخلے کی مکمل پابندی عائد کی گئی تھی، اور وہ اب امریکا سے باہر ہیں۔اس واقعے نے عالمی سطح پر ایران اور امریکا کے تعلقات میں کشیدگی کے تناظر کو مزید اجاگر کر دیا ہے اور یہ واضح کیا ہے کہ امریکا اپنے قومی سلامتی کے خدشات کے پیش نظر ایران کے اہم عسکری خاندان کے رشتہ داروں پر سخت اقدامات کر رہا ہے۔