پنجاب پولیس کی وردی کا بجٹ اتنا زیادہ بڑھا دیا گیا کہ اہلکار خوشی سے پھولیں نہ سمائیں

لاہور(ایگزو نیوز ڈیسک)پنجاب پولیس کی وردی کے بجٹ میں نمایاں اضافہ کر دیا گیا ہے۔ بجٹ کو 68 کروڑ روپے سے بڑھا کر ایک ارب 36 کروڑ روپے کر دیا گیا ہے۔ پولیس حکام کے مطابق رواں سال تقریباً سوا دو لاکھ یونیفارمز خریدی جائیں گی۔ گزشتہ برس ایک لاکھ 39 ہزار یونیفارمز کی خریداری نہیں ہو سکی تھی۔
ایگزو نیوز کے مطابق نئے مجوزہ بجٹ کے تحت پولیس اہلکاروں اور افسران کے لیے صرف یونیفارمز ہی نہیں بلکہ ٹی شرٹس، جیکٹس، شوز اور دیگر ضروری سامان بھی خریدا جائے گا۔ آئی جی پنجاب ڈاکٹر عثمان انور کے حکم پر رواں ماہ پری کوالیفکیشن کا عمل شروع کیا جائے گا۔حکام کے مطابق خریداری کا عمل مکمل ہوتے ہی پنجاب پولیس کے افسران اور اہلکاروں کو دو، دو یونیفارمز اور دیگر سامان فراہم کر دیا جائے گا، تاکہ ان کے لیے ڈیوٹی کے دوران سہولت اور پروفیشنل انداز میں فرائض کی انجام دہی کو یقینی بنایا جا سکے۔