4
وزیر دفاع خواجہ آصف نے دعویٰ کیا ہے کہ پاکستان تحریک انصاف (پی ٹی آئی) بیرونی طاقتوں پر زور دے رہی ہے کہ پارٹی کے بانی عمران خان کو رہا کر کے بیرون ملک بھیجا جائے۔
انہوں نے کہا کہ "وہ بیرونی طاقتوں سے کہہ رہے ہیں کہ وہ عمران خان کو رہا کرنے اور انہیں فلاں ملک بھیجنے کیلئے پاکستان پر اثر انداز ہوں۔”
منگل کو ایک نجی نیوز چینل کے ساتھ انٹرویو کے دوران بات کرتے ہوئے، وفاقی وزیر نے یہ بھی دعویٰ کیا کہ بیرون ملک یہ ممالک بھی پی ٹی آئی کے بانی کے استقبال کیلئے تیار ہیں۔ خواجہ آصف نے اُس ملک کا نام بتایا سے گریز کیا۔
واضح رہے کہ پی ٹی آئی کے بانی توشہ خانہ فوجداری کیس اور 8 فروری کے انتخابات سے قبل دیگر مقدمات میں سزا سنائے جانے کے بعد ایک سال سے زیادہ عرصے سے جیل کی سلاخوں کے پیچھے ہیں۔ لیکن ان الزامات کی وہ مسلسل تردید کرتے رہے ہیں۔