1
لاہور: پاکستان تحریک انصاف نے 22 مارچ کو مینار پاکستان جلسے کی اجازت کے لیے ہائیکورٹ سے رجوع کرلیا۔
پی ٹی آئی رہنما اکمل خان باری نے درخواست لاہور ہائیکورٹ میں دائر کی، درخواست میں چیف سیکرٹری پنجاب، ڈپٹی کمشنر لاہور سمیت دیگر کو فریق بنایا گیا۔ درخواست میں موقف اپنایا گیا ہے کہ پی ٹی آئی کی سیاسی جماعت نے 22 مارچ کو شام 8 بجے سے رات بارہ بجے تک جلسہ کرنا ہے۔
درخواست میں مزید کہا گیا ہے کہ جلسہ اور ریلی کرنے کی اجازت پاکستان کا آئین بھی دیتا ہے۔ لیکن پی ٹی آئی کو سیاسی انتقام کا نشانہ بنایا جارہا ہے۔ اور انتظامیہ جلسے کی درخواست پر فیصلہ نہیں کر رہی۔
درخواست میں استدعا کی گئی ہے کہ عدالت ڈپٹی کمشنر لاہور سمیت دیگر کو درخواست پر فیصلہ کرنے کا حکم دے۔ عدالت 22 مارچ کو جلسہ کرنے کی اجازت دے۔