سیکرٹری جنرل انتونیو گوتریس:
وزیر اعظم شہباز شریف نے اقوام متحدہ کے سیکرٹری جنرل انتونیو گوتریس پر زور دیا ہے. کہ وہ جموں و کشمیر پر اقوام متحدہ کی سلامتی کونسل کی متعلقہ قراردادوں پر عمل درآمد کیلئے اپنا اثر و رسوخ استعمال کریں. اور کشمیریوں کے حق خودارادیت کو یقینی بنایا جائے۔
انہوں نے. یہ بات نیویارک میں اقوام متحدہ کی جنرل اسمبلی کے اجلاس کے موقع پر. اقوام متحدہ کے سیکرٹری جنرل سے ملاقات کے دوران کہی۔ بات چیت کے دوران شہباز شریف نے جموں و کشمیر میں بھارت کے اقدامات پر پاکستان کے سنگین تحفظات کو اجاگر کیا. اور جنوبی ایشیا میں دیرپا امن و استحکام کے حصول کیلئے تنازع کے حل کی اہمیت پر زور دیا۔
وزیراعظم نے. فلسطینیوں کے خلاف اسرائیل کے اقدامات کی بھی مذمت کی اور فوری غیر مشروط جنگ بندی کا مطالبہ کیا۔ انہوں نے عالمی برادری پر زور دیا. کہ وہ اسرائیل کو جوابدہ بنائے اور ایک قابل عمل، خودمختار فلسطینی ریاست کے قیام کیلئے پاکستان کی حمایت کا اعادہ کیا۔
سیکرٹری جنرل گوٹیریس نے. اقوام متحدہ میں پاکستان کی فعال شمولیت اور عالمی امن و سلامتی بالخصوص امن فوج کے ذریعے پاکستان کے کردار پر وزیراعظم کا شکریہ ادا کیا۔