وزیر اعظم شہباز شریف نے کہا کہ تعلیم ہر انسان کا بنیادی حق ہے۔ انہوں نے پسماندہ ممالک میں لڑکیوں کی تعلیم تک رسائی کو یقینی بنانے پر زور دیا۔
تعلیم کے حصول میں خواتین کو درپیش چیلنجز پر دو روزہ بین الاقوامی کانفرنس کے آغاز پر خطاب کرتے ہوئے، وزیر اعظم شہباز نے نوبل انعام یافتہ ملالہ یوسفزئی سمیت شرکاء کا خیرمقدم کیا اور حمایت پر شاہ سلمان اور ولی عہد محمد بن سلمان کا شکریہ ادا کیا۔
انہوں نے لڑکیوں کی تعلیم کی اہمیت پر روشنی ڈالی اور ارفع کریم جیسی شخصیات سے تحریک لینے پر زور دیا۔
شہباز نے مریم نواز کی پنجاب کی پہلی خاتون وزیر اعلیٰ ہونے پر تعریف بھی کی اور خواتین پر زور دیا کہ وہ معاشرتی ترقی کیلئے مردوں کے ساتھ کندھے سے کندھا ملا کر کام کریں۔
انہوں نے لڑکیوں کو معیاری تعلیم تک رسائی اور پیشہ ورانہ مہارتوں سے آراستہ کرنے پر زور دیا۔ وزیر اعظم نے کہا کہ لڑکیوں کیلئے معیاری تعلیم معاشرے کو مضبوط اور ترقی دے گی۔ انہوں نے مزید کہا کہ تعلیم یافتہ خواتین عالمی معیشت میں نمایاں کردار ادا کریں گی۔