وزیر اعظم شہباز شریف نے اتوار کو مختلف ممالک میں نئے پاکستانی سفیروں کی تقرری کی منظوری دے دی۔
وزیراعظم سیکرٹریٹ کے ذرائع کے مطابق عاصمہ ربانی فلپائن میں پاکستانی سفیر ہوں گی جبکہ رحیم حیات قریشی برسلز اور یورپی یونین میں پاکستانی سفیر ہوں گے۔ عبدالحمید بھٹہ اور نجیب درانی جاپان اور گھانا میں پاکستان کی نمائندگی کریں گے۔
اسی طرح زاہد حفیظ چوہدری، معظم شاہ، ملک فاروق، شہباز کھوکھر اور عادل گیلانی بالترتیب انڈونیشیا، جنوبی کوریا، جنوبی افریقہ، بیروت اور مراکش میں پاکستانی سفیر ہوں گے۔
ذرائع نے مزید بتایا کہ طارق کریم اور اقصیٰ نواز کو افریقی ممالک میں پاکستان کا سفیر مقرر کیا گیا ہے۔
سید حیدر شاہ، عامر شوکت اور مرغوب سلیم بٹ ہالینڈ، مصر اور سوئٹزرلینڈ میں پاکستان کے نئے سفیر ہوں گے۔ دریں اثنا، زمان مہدی، واجد ہاشمی اور تنویر بھٹی شکاگو، میلبورن اور چینگڈو میں کونسل جنرل ہوں گے۔
اس کے علاوہ شہریار اکبر جمہوریہ چیک میں پاکستان کے نئے سفیر ہوں گے۔