1
آسٹریلوی کرکٹ ٹیم کے کپتان پیٹ کمنز نے بھارت کو دبئی میں تمام میچز کھیلنے کے باعث غیر منصفانہ فائدہ ملنے پر تشویش کا اظہار کیا ہے۔
پیٹ کمنز نے آئی سی سی کے فیصلے پر تنقید کرتے ہوئے کہا کہ بھارت کو ایک ہی مقام پر تمام میچز کھیلنے کا بڑا فائدہ ہو رہا ہے۔ انہوں نے کہا، "یہ اچھا ہے کہ ٹورنامنٹ جاری رہے، لیکن بھارت کو ایک ہی میدان پر کھیلنے کا واضح فائدہ ہے۔”
آسٹریلوی کپتان کا مزید کہنا تھا کہ بھارتی ٹیم پہلے ہی بہت مضبوط نظر آتی ہے۔
یاد رہے کہ پیٹ کمنز اس وقت انجری کی وجہ سے چیمپئنز ٹرافی سے باہر ہیں اور ان کی جگہ اسٹیو اسمتھ کپتانی کر رہے ہیں۔
چیمپئنز ٹرافی میں بھارتی ٹیم اپنے تمام میچز دبئی میں کھیل رہی ہے، جب کہ دیگر ٹیموں کو گروپ میچز کے لیے دبئی کا سفر کرنا پڑ رہا ہے۔ بھارت چیمپئنز ٹرافی کا پہلا سیمی فائنل بھی دبئی میں کھیلے گا۔