لاہور: صوبہ پنجاب میں انتظامی معاملات کو احسن طریقے سے انجام دینے کیلئے 25 پارلیمانی سیکرٹریز کا تقرر کر دیا گیا ہے۔
میڈیا رپورٹس کے مطابق وزیر اعلیٰ پنجاب مریم نواز کی منظوری کے بعد ان 25 سیکرٹریز کے تقرر کا باضابطہ نوٹیفیکشن جاری کیا گیا ہے۔ اس سیکرٹریوں میں 5 خواتین بھی شامل ہیں۔ اجمل خان کو ہائر ایجوکیشن، سونیا عاشق انسانی حقوق و مذہبی امور جبکہ حسن عسکری شیخ کو انڈسٹریز انسوسمنٹ کا محکمہ سونپا گیا ہے۔
اسی طرح اسامہ لغاری کو محکمہ زراعت، ملک افتخار احمد اوقات و مذہبی امور جبکہ شازیہ رضوان کو انفارمیشن اینڈ کلچر کے عہدے پر فائز کیا گیا ہے۔ باقی سیکرٹریز میں صاحبزادہ غزین عباسی محنت و افرادی قوت، خالد رانجھا لا اینڈ پارلیمانی افیر کے فرائض سرانجام دیں گے۔ شعیب اویسی بورڈ آف ریونیو، منصور اعظم انرجی، شہریار ملک ایکسائز اینڈ ٹیکسیشن اور ملک وحید فوڈ کے پارلیمانی سیکرٹری مقرر کیے گئے ہیں۔
خرم ورک لوکل گورنمنٹ کیمونٹی ڈویلپمنٹ، محمد زبیر مائنز اینڈ منرل، رانا طارق پلاننگ اینڈ ڈویلپمنٹ ضیا اللہ شاہ پنجاب ایمرجنسی سروسز کے عہدے پر فائز کیے گئے ہیں۔ نوشین عدنان سکول ایجوکیشن، میاں شاہد حسین ایس اینڈ جی اے ڈی، ارشد جاوید وڑائچ سوشل ویلفیئر بیت المال کے پارلیمانی سیکرٹری بن گئے ہیں۔
اس کے علاوہ سلطان حیدر علی چیف انسپکشن ٹیم، رشدہ لودھی سپیشلائزڈ ہیلتھ کیئر اینڈ میڈیکل ایجوکیشن، جبکہ تیمور علی لالی ٹرانسپورٹ کے پارلیمانی سیکرٹری کی ذمہ داریاں سرانجام دیں گے۔ محمد انس محمود یوتھ افیئر اینڈ سپورٹس اور سلمیٰ سعدیہ تیمور وویمن ڈویلپمنٹ کی پارلیمانی سیکرٹری بن گئیں ہیں۔
واضح رہے کہ یہ پارلیمانی سیکرٹریز اسمبلی کے فلور پر وزرا کی غیر موجودگی میں محکمے کی نمائندگی کرتے ہوئے سوالات کے جواب دیں گے۔