3
معاشی میدان میں پاکستان کو ایک اور اہم ترین کامیابی، پاکستان نے 1.5 ارب ڈالر کے نئے رعایتی قرض پروگرام پر آئی ایم ایف کو منالیا۔
ذرائع کے مطابق نیا قرض پروگرام موسمیاتی تبدیلیوں کے نقصانات کے تدارک کے لیے ہوگا۔ وزیراعظم کی دبئی میں آئی ایم ایف کی ایم ڈی کرسٹیلینا جارجیو سے ملاقات کامیاب رہی۔ آئی ایم ایف کا وفد 24 فروری سے پاکستان کا دورہ کرے گا۔ وفد نئے موسمیاتی تبدیلی قرض پروگرام پر مذاکرات کرے گا۔ پاکستان کو دو سال پہلے موسمیاتی تبدیلیوں سے 30 ارب ڈالر کا نقصان ہوا تھا۔
آئی ایم ایف نئے پروگرام میں موسمیاتی تبدیلیوں کے نقصانات کم کرنے میں مدد کرے گا۔ اور نئے قرض پروگرام میں موسمیاتی تبدیلی کے اقدامات اور اہداف کا جائزہ لے گا۔ موسمیاتی تبدیلیوں کے نئے قرض پروگرام پر بات چیت مارچ کے پہلے ہفتے تک جاری رہنے کاامکان ہے۔