نیوزی لینڈ کیخلاف تیسرے ون ڈے میچ میں بھی پاکستان کو جرمانہ عائد کر دیا گیا

پاکستان کرکٹ ٹیم کو نیوزی لینڈ کے خلاف تیسرے ون ڈے میچ میں بھی سلو اوور ریٹ پر جرمانہ عائد کر دیا گیا۔

پاکستان ٹیم مقررہ وقت میں ایک اوور پیچھے رہی، جس کی وجہ سے آئی سی سی نے میچ فیس کا 5 فیصد جرمانہ کیا۔ اس سے پہلے بھی پاکستان ٹیم کو نیوزی لینڈ کے خلاف پہلے دو ون ڈے میچز میں جرمانہ ہوا تھا، لیکن ٹیم نے اس سے کوئی سبق نہیں سیکھا۔

پاکستان کے کپتان محمد رضوان نے اپنی غلطی تسلیم کر لی۔

یاد رہے کہ نیوزی لینڈ نے تین میچوں کی سیریز میں پاکستان کو کلین سوئپ کرتے ہوئے 3-0 سے شکست دی تھی۔ اس سے قبل، نیوزی لینڈ نے پانچ میچوں کی سیریز میں بھی پاکستان کو 4-1 سے شکست دی تھی۔