رواں مالی سال کے پہلے ہی دن پاکستان اسٹاک ایکسچینج (PSX) میں زبردست تیزی دیکھنے میں آئی، جہاں 100 انڈیکس نے ملکی تاریخ کی بلند ترین سطح عبور کر کے نئی تاریخ رقم کر دی۔
کاروباری دن کے دوران انڈیکس میں 2,441 پوائنٹس کا شاندار اضافہ ریکارڈ کیا گیا جس کے بعد انڈیکس 1,28,069 پوائنٹس کی سطح پر پہنچ گیا۔ دورانِ ٹریڈنگ انڈیکس ایک موقع پر 1,28,149 پوائنٹس کی نئی بلند ترین سطح پر بھی دیکھا گیا۔
اس سے قبل جون میں اسٹاک مارکیٹ 1,26,718 پوائنٹس کی سطح تک پہنچی تھی، جو اُس وقت تک کا ریکارڈ تھا۔ گزشتہ روز بھی مارکیٹ میں مثبت رجحان برقرار رہا اور کاروبار 1,25,627 پوائنٹس پر بند ہوا تھا۔
سرمایہ کاروں کے اعتماد، پالیسیوں میں تسلسل اور بیرونی سرمایہ کاری سے متعلق مثبت خبروں نے مارکیٹ کو تقویت بخشی جس کا نتیجہ ملکی تاریخ کے سب سے بڑے انڈیکس بوسٹ کی صورت میں سامنے آیا۔