دبئی میں ہونے والی آئی سی سی چیمپئنز ٹرافی 2025 میں پاکستان اور بھارت کے انتہائی متوقع میچ کے ٹکٹس منٹوں میں فروخت ہو گئے۔
ٹکٹ کی کم سے کم قیمت 5 سو درہم مقرر کی گئی تھی۔ جبکہ وی آئی پی ٹکٹ بارہ ہزار پانچ سو درہم میں فروخت ہوا جس کی قیمت پاکستانی کرنسی میں 9 لاکھ روپے بنتی ہے۔
مزید برآں، بھارت کے بقیہ دو گروپ میچوں اور دبئی میں پہلے سیمی فائنل کے ٹکٹ منگل کو فروخت ہوں گے۔ شائقین اپنے ٹکٹ آن لائن خرید سکتے ہیں، جنرل اسٹینڈز کی قیمتیں 125 درہم سے شروع ہوگی۔
واضح رہے کہ پاکستان اور بھارت کا میچ 23 فروری کو دبئی میں کھیلا جائے گا۔