پہلے ون ڈے میچ میں پاکستان نے جنوبی افریقہ کو تین وکٹوں سے شکست دیدی۔ 240 رنز کا ہدف قومی ٹیم نے سات وکٹوں کے نقصان پر پورا کیا۔
صائم ایوب اور سلمان علی آغاز نے بولانڈ پارک میں کھیلے گئے تین میچوں کی سیریز کا پہلا ون ڈے جیتنے میں قومی ٹیم کی رہنمائی کی۔ صائم ایوب نے 109 رنز بنائے جن کی اننگز میں دس چوکے اور تین چھکے شامل تھے۔ سلمان علی آغا نے 90 گیندوں پر چار چوکوں اور دو چھکوں کی مدد سے 82 رنز اور وہ ناٹ آوٹ رہے۔ عرفان خان نیازی اور محمد رضوان صرف ایک ایک رن بنا سکے جبکہ عبداللہ شفیق اور شاہین آفریدی بغیر کوئی رن بنائے آوٹ ہوئے۔ اس کے علاوہ بابر اعظم نے 38 گیندوں پر تین چوکوں کی مدد سے 23 رنز بنائے جبکہ کامران غلام 4 رنز پر ہی پویلین لوٹ گئے۔
اس سے قبل جنوبی افریقہ کے کپتان نے ٹاس جیت کر پہلے بیٹنگ کا فیصلہ کیا لیکن وہ پاکستان کو جیت کیلئے بڑا ہدف دینے میں کامیاب ہوئے۔ میزبان ٹیم کی جانب سے ہینرک کلاسن 86 رنز بنا کر نمایاں بلے باز رہے۔ پاکستان کی جانب سے سلمان علی آغا نے شاندار بیٹنگ کے ساتھ ساتھ اچھی گیند بازی بھی کی اور چار وکٹیں حاصل کیں۔