5
دوسرے میچ میں بھی نیوزی لینڈ نے پاکستان کو ہرا کر ٹی ٹوئنٹی سیریز میں 2-0 کی برتری حاصل کر لی۔ میچ بارش کے باعث 15 اوورز تک محدود رہا۔
136 رنز کا ہدف نیوزی لینڈ نے 5 وکٹوں کے نقصان پر آسانی سے پورا کیا۔ ٹم سیفرٹ اور فن ایلن کی اوپننگ جوڑی نے 66 رنز کی شراکت قائم کی۔ سیفرٹ 22 گیندوں پر 45 اور ایلن 16 گیندوں پر 38 رنز بنا کر آوٹ ہوئے۔ پاکستان کی جانب سے حارث رؤف نے 2 جبکہ خوشدل شاہ اور جہانداد خان نے ایک ، ایک وکٹ لی۔
اس سے قبل میزبان ٹیم کی دعوت پر پہلے کھیلتے ہوئے قومی ٹیم نے 15 اوورز میں 9 وکٹوں کے نقصان پر 135 رنز بنائے تھے۔ پاکستان کی جانب سے کپتان سلمان علی آغا 46 ، شاداب خان 26 جبکہ شاہین آفریدی 22 رنز بنا کر نمایاں رہے۔ ایش سودھی ، جیکب ڈفی، بین سیئرز اور نیشام نے دو، دو وکٹیں حاصل کیں۔