ایرانی سفیر کی آنکھ ضائع افواہ کی تردید:
نیویارک ٹائمز کی ایک رپورٹ میں انکشاف کیا گیا ہے. کہ بیروت میں وائرلیس کمیونیکیشن ڈیوائسز (پیجر) کے پھٹنے سے لبنان میں ایرانی سفیر کی ایک آنکھ مکمل طور پر ضائع ہو گئی ہے. جبکہ دوسری میں شدید متاثر ہوئی ہے۔
عالمی میڈٰیا کے مطابق. لبنان میں ایرانی سفیر مجتبیٰ امانی منگل کو اسرائیل سے منسوب ایک ہائی پروفائل آپریشن میں زخمی ہوئے تھے، جس میں لبنان بھر میں ہزاروں پیجرز بیک وقت پھٹ گئے، جس کے نتیجے میں 11 افراد ہلاک اور تقریباً 4000 دیگر زخمی ہوئے تھے۔
نیویارک ٹائمز کی رپورٹ میں بتایا گیا ہے. کہ امانی کی چوٹیں ایران کی جانب سے. ابتدائی اطلاع سے زیادہ سنگین ہیں. اور اسے علاج کیلئے تہران منتقل کیا جائے گا۔
تاہم، بیروت میں ایرانی سفارت خانے نے. تہران کے سفیر کی ایک آنکھ سے محروم ہونے کے حوالے سے امریکی اخبار کی رپورٹ کی تردید کرتے ہوئے ایکس پر کہا، "ہم آپ کو بتانا چاہتے ہیں. کہ سفیر مجتبیٰ امانی کا علاج بہتر ہو رہا ہے، اور ان کی جسمانی اور بصری حالت کے بارے میں جو افواہیں پھیل رہی ہیں وہ سچے نہیں ہیں۔
ایرانی خبر رساں اداروں کی طرف سے شائع ہونے والی ایک ویڈیو میں دکھایا گیا ہے. کہ امانی کو. بیروت کے ایک ہسپتال لے جایا جا رہا ہے، جبکہ ان کی آنکھیں پٹیوں سے ڈھکی ہوئی ہیں. اور اس کی سفید قمیض کا اگلا حصہ خون سے داغدار ہے۔
دوسری جانب، ایرانی وزارت خارجہ کے ترجمان ناصر کنانی نے اسرائیل کے حملے کی شدید الفاظ میں مذمت کرتے ہوئے کہا. کہ نیتن یاہو سرکار خطے میں دہشتگردی پھیلا رہی ہے۔