اسرائیل کے ساتھ تعلقات:
سعودی ولی عہد شہزادہ محمد بن سلمان نے کہا ہے. کہ سعودی عرب فلسطینی ریاست کے قیام کے بغیر اسرائیل کے ساتھ تعلقات قائم نہیں کرے گا۔
عرب میڈیا کے مطابق محمد بن سلمان نے سعودی شوریٰ کونسل کے سالانہ اجلاس میں خصوصی شرکت کی. اور اس کے ارکان سے خطاب کرتے ہوئے فلسطینی کاز کیلئے اپنی حمایت کا اعادہ کیا۔ انہوں نے فلسطینیوں کے خلاف اسرائیل کے جاری مظالم کی شدید مذمت بھی کی۔
سعودی ولی عہد نے کہا. کہ سعودی عرب فلسطینی ریاست کے قیام کے بغیر اسرائیل سے تعلقات قائم نہیں کرے گا. اور ایسی ریاست کے قیام کیلئے کوششیں جاری رکھے گا۔ محمد بن سلمان نے واضح کیا. کہ فلسطینی کاز سعودی عرب کی اولین ترجیح ہے اور مملکت اس کیلئے انتھک محنت کر رہی ہے۔
سعودی ولی عہد نے ان ممالک کا بھی شکریہ ادا کیا. جنہوں نے فلسطین کو بطور ریاست تسلیم کیا ہے۔