پاکستان کیخلاف ون ڈے سیریز کیلئے نیوزی لینڈ کے سکواڈ کا اعلان کردیا گیا، نیوزی لینڈ کرکٹ ٹیم کی قیادت ٹام لیتھم کریں گے، ٹیم میں پاکستانی نژاد کھلاڑی کو بھی شامل کیا گیا ہے۔
محمد عباس پاکستان میں پیدا ہوئے، وہ پاکستان میں فرسٹ کلاس کرکٹ کھیلنے والے اظہر عباس کے بیٹے ہیں۔ نیوزی لینڈ کے سکواڈ میں آدی اشوک، مائیکل بریسویل، مارک چیپمین، جیکب ڈفی اور ڈیرل مچل شامل ہیں جبکہ نک کیلی، ول او رورکے، بین سئیرز، نیتھن سمتھ اور ول ینگ بھی سکواڈ کا حصہ ہوں گے۔
پاکستان اور نیوزی لینڈ کے درمیان 3 میچز پر مشتمل ون ڈے سیریز کا آغاز 29 مارچ سے ہوگا، سیریز کے دیگر میچز 2 اور 5 اپریل کو کھیلے جائیں گے۔
دوسری جانب نیوزی لینڈ کیخلاف پانچویں ٹی ٹوینٹی میچ میں ساکھ بچانے کیلئے قومی ٹیم کو فتح درکار ہوگی۔ کیونکہ نیوزی لینڈ پہلے ہی سیریز جیت چکا ہے۔ پاکستانی ٹیم نے اچھی کارکردگی دکھانے کیلئے بیٹنگ ، بالنگ اور فیلڈنگ کی جم کر مشقیں کیں۔