1
نیوزی لینڈ نے چیمپئنز ٹرافی کے اہم میچ میں بنگلادیش کو 5 وکٹوں سے شکست دے کر سیمی فائنل کیلئے جگہ بنا لی۔
دو سو 37 رنز کا ہدف نیوزی لینڈ کی ٹیم نے پانچ وکٹوں کے نقصان پر پورا کیا۔ نیوزی لینڈ کی جانب سے راچن رویندر نے 12 چوکوں اور ایک چھکے کی مدد سے ایک سو 12 رنز کی شاندار اننگز کھیلی۔ ٹام لیتھم نے 55 جبکہ ڈیون کونوے نے 30 رنز بنائے۔
بنگلادیش کی جانب سے تسکین احمد، مستفیض الرحمان، رشاد حسین اور ناہید رانا نے ایک ، ایک کھلاڑی کو پویلین کی راہ دکھائی۔
اس سے قبل بنگلادیش نے پہلے بیٹنگ کرتے ہوئے 9 وکٹوں پر دو سو چھتیس رنز بنائے تھے۔ کپتان نجم الحسین شانتو 70 رنز بنا کر نمایاں۔ ذاکر علی نے بھی 45 رنز سکور کیے۔ کیویز کی جانب سے مائیکل بریسویل نے چار جبکہ رورکی دو وکٹیں لینے میں کامیاب ہوئے۔