پاکستان میں انٹرنیٹ کی رفتار کو بڑھانے کیلئے زیر سمندر نئی کیبل آج منسلک کی جائے گی۔ یہ کیبل پاکستان کو 24 ٹیرا بائٹس بینڈوڈتھ فراہم کرے گی۔
تفصیلات کے مطابق ملک سے انٹرنیٹ کی اسپیڈ کا مسئلہ ختم کرنے کیلئے جدید کیبل افریقہ سے منسلک کی جائے گی۔ 45,000 کلومیٹر طویل یہ کیبل ایک فرانسیسی کمپنی نصب کر رہی ہے۔
چیئرمین پاکستان سافٹ ویئر ہاوس ایسوسی ایشن (پاشا) سجاد مصطفیٰ سید نے کہا کہ عارضی طور پر چند ہفتوں کیلئے ہمیں بعض علاقوں میں انٹرنیٹ کے محدود مسائل کا سامنا تھا، لیکن اب یہ بڑی حد تک حل ہو چکے ہیں۔
انہوں نے کہا کہ اگرچہ نئی کیبل ابھی تک فعال نہیں ہے، لیکن توقع ہے کہ یہ اگلے سال کام کرنے لگے گی۔
سید نے اس بات پر بھی روشنی ڈالی کہ چار اضافی بڑی انٹرنیٹ لائنیں، بشمول 5 جی کے لیے سپورٹ، پائپ لائن میں ہیں اور کنیکٹیویٹی کے مسائل کو مستقل طور پر حل کر دے گی۔