مسلم لیگ ن کے صدر نواز شریف نے ایک بار پھر اپنی سیاسی سرگرمیاں شروع کرنے کا فیصلہ کیا ہے۔
ذرائع کے مطابق تین بار وزیراعظم رہنے والے نواز شریف آئندہ ہفتے سے سیاسی سرگرمیوں کا آغاز کریں گے۔ وہ پیر سے ماڈل ٹاؤن سیکرٹریٹ میں پارٹی رہنماؤں سے ملاقات کریں گے جس میں سیاسی صورتحال پر تبادلہ خیال کیا جائے گا۔
ذرائع نے مزید کہا کہ ملاقاتوں میں حکومتی کارکردگی اور دیگر پارٹی امور پر تبادلہ خیال کیا جائے گا۔
اس سے قبل یہ خبر سامنے آئی تھی کہ نواز شریف کا رواں ماہ کے آخر میں برطانیہ کا دورہ متوقع ہے۔ اپنے دورے کے دوران وہ بیرون ملک مقیم سیاسی اور کاروباری شخصیات سے ملاقاتیں کریں گے۔
علاوہ ازیں مسلم لیگ ن کے صدر کارکنوں اور عہدیداروں سے خطاب کریں گے۔ اس سفر کے دوران ان کا میڈیکل چیک اپ بھی ہونا ہے۔
یہاں یہ بات قابل ذکر ہے کہ مئی 2024 میں ہونے والے پارٹی کی جنرل کونسل کے اجلاس میں نواز شریف کو بلامقابلہ مسلم لیگ (ن) کا صدر منتخب کیا گیا تھا۔
11 مئی 2024 کو وزیر اعظم شہباز شریف کے عہدے سے سبکدوش ہونے پر نواز شریف چھ سال بعد پارٹی سربراہ بنے۔