نواز شریف اور مریم مذاکرات کی ناکامی کے مشن میں کامیاب ہو گئے، بیرسٹر سیف

1

پشاور: پاکستان تحریک انصاف (پی ٹی آئی) کے رہنما بیرسٹر ڈاکٹر سیف کا کہنا ہے کہ نواز شریف اور مریم نواز گروپ مذاکرات کی ناکامی پر خوشی سے پھولے نہیں سما رہا۔

اپنے بیان میں انہوں نے کہا کہ نواز شریف اور مریم نواز مذاکرات کی ناکامی کے مشن میں کامیاب ہو گئے۔ نواز شریف نے عرفان صدیقی کو مذاکرات کی ناکامی کا ہدف دیا تھا۔ عرفان صدیقی اور رانا ثناء اللہ کے بیانات سے حکومت کی غیر سنجیدگی واضح تھی۔

رہنما پی ٹی آئی نے کہا کہ جوڈیشل کمیشن نہ بنانے سے واضح ہو گیا کہ "چور کی داڑھی میں تنکا” ہے۔ انہوں نے کہا کہ وفاقی حکومت کو خدشہ ہے کہ جوڈیشل کمیشن سے جعلی حکومت کی حقیقت سامنے آ جائے گی۔ حقیقت کھل جانے کے بعد جعلی حکومت کو منہ چھپانے کی جگہ نہیں ملے گی۔ نواز شریف کو سیاسی عدم استحکام میں ہی اپنی بقا نظر آ رہی ہے۔