روسی ڈرونز کی رومانیہ اور لٹویا کی فضائی حدود کی خلاف ورزی

بخارسٹ ( اسلم مراد ) نیٹو کے رکن ممالک رومانیہ اور لٹویا نے الزام عائد کیا ہے کہ گزشتہ رات روس کے ڈرونز نے ان کی فضائی حدود کی خلاف ورزی کی ہے۔

دوسری جانب دونوں ممالک نے واضح کیا ہے کہ اگر یہ سلسلہ جاری رہا تو جنگ کا دائرہ وسیع ہوسکتا ہے ۔ روس کے ڈرونز یوکرائن کے سرحدی علاقوں میں دریائے ڈینوب کی بندرگاہوں کو نشانہ بناتے رہتے ہیں جس کی وجہ سے دوسرے ممالک کی سرحدوں کی بھی خلاف ورزی ہوتی ہے ۔ رومانیہ نے کہا ہے کہ اس نے اپنے F16طیاروں کو ہائی الرٹ پر کردیا ہے تاکہ اب کوئی ڈرونز آئےتو اسے مار گرایا جائے دوسری جانب لٹویا نے کہا ہے کہ روس کا ایک ڈرون گزشتہ رات اس کے علاقے میں گرا جس کے ملبے کی تلاش جاری ہے ۔ روس اس جنگ میں اپنے ڈرونز کو بڑے پیمانے پر استعمال کررہا ہے اور کوشش کررہا ہے کہ یوکرائن کا انفراسٹرکچر مکمل طور پرتباہ کردیا جاے ۔