منی لانڈرنگ کیس،عدالت نے چوہدری پرویز الٰہی کو بڑا جھٹکا دے دیا

لاہور(ایگزو نیوز ڈیسک)صوبائی دارالحکومت کی سپیشل سینٹرل عدالت نے پاکستان تحریک انصاف(پی ٹی آئی)کے مرکزی صدر اور سابق وزیر اعلیٰ پنجاب چوہدری پرویز الٰہی کو بڑا جھٹکا دے دیا ۔
ایگزو نیوز کے مطابق سپیشل سینٹرل عدالت لاہور نے منی لانڈرنگ کیس میں پیش نہ ہونے پر سابق وزیراعلیٰ پنجاب چوہدری پرویز الٰہی کے ورانٹ گرفتاری جاری کردیئے جبکہ سابق وزیراعلیٰ پنجاب کی ایک روزہ حاضری معافی کی درخواست بھی مسترد کردی۔مقامی عدالت نے پرویز الٰہی کے پیش نہ ہونے پر ناراضگی کا اظہار کیا۔سپیشل سینٹرل عدالت کے جج عارف خان نیازی نے کیس کی سماعت کی، پرویزالٰہی کے وکیل نے ایک روزہ حاضری معافی کی درخواست دائر کی تھی، ایف آئی اے لاہور نے ضمنی چالان جمع کروا کررکھا ہے۔