11
ڈزنی کی اینی میٹڈ فلم موآنا 2 دوسرے ہفتے بھی عالمی باکس آفس پر چھائی رہی، فلم نے 6 سو ملین ڈالر کا ریکارڈ توڑ بزنس کرکے سال کی پانچ کامیاب ترین فلموں میں جگہ بنا لی۔
میڈیا رپورٹس کے مطابق فلم نہ صرف تھینکس گیونگ کے سب سے بڑے ڈیبیو کا ریکارڈ توڑنے میں کامیاب ہوئی بلکہ عالمی سطح پر بھی 600 ملین کا بڑا بزنس کرنے میں کامیاب ہوئی۔
ڈزنی کی اینیمیٹڈ میوزیکل فلم "موآنا 2” جو کہ ایک پرجوش نوعمر لڑکی کی سمندری مہمات پر مبنی ہے، جو ایک غیر متوقع عملے کے ساتھ ٹیم بناتی ہے اور ایک شیطانی دیوتا کی لعنت کو توڑنے کے لیے اوشیانا کے دور دراز سمندروں کا سفر کرتی ہے جس نے ایک صوفیانہ جزیرے کو ڈبو دیا تھا۔